"Ювентус" дарвозабони "Рома"га кетиши мумкин

“Ювентус” клуби дарвозабони Маттиа Перин янги мавсумни янги жамоада бошлашга яқин турибди.

Football-Italia нашри тарқатган хабарга кўра, 27 ёшли посбон А Сериянинг бошқа бир жамоасига кўчиб ўтади. Аниқроғи, Перин “Рома” билан шартнома имзолаши мумкин. Римликлар аллақачон бу борада “кекса синьора” билан музокараларни бошлаб юборишган.

Перин жорий мавсум “Ювентус” сафида 9 та ўйинда майдонга тушди ва ўз дарвозасидан 11 та гол ўтказиб юборди. Transfermarkt сайти талқинига кўра, унинг айни дамдаги нархи 9 млн еврони ташкил этади.