"Ювентус" Доннаруммага ҳозирги маошидан 3 баробар кўп маош таклиф қилмоқчи

Туриннинг "Ювентус" клуби "Милан" дарвозабони Жанлуижи Доннаруммага узоқ йиллик шартнома таклиф қилишга тайёр. Бу ҳақда Sport Mediaset нашри хабар бермоқда.

Юқоридаги манбаага кўра “кекса синьора” 20 ёшли посбонга 5 йиллик шартнома ва йилига 9 млн евро маош таклиф қилишга тайёр. Таққослаш учун, Доннарумма айни дамда “Милан”да йилига 3 млн евро маош олмоқда.

Маълумот учун, Доннарумма жорий мавсум А Серияда 17 та ўйинда майдонга тушди ва ўз дарвозасидан 23 та гол ўтказиб юборди.