"Yuventus" futbolchisini APLga qo‘yib yuborishga tayyor

Germaniyalik yarim himoyachi Sami Xedira yozda "Yuventus"ni tark etishi mumkin, deya xabar bermoqda Calciomercato nashri.

Manba xabariga ko‘ra, "Yuventus" 33 yoshli futbolchi bilan hamkorlikni davom ettirishni xohlamayapti, shu sabab klub uni yozda transferga qo‘yishni rejalashtirmoqda.

Transfermarkt nashri 5,5 million evroga baholayotgan futbolchi uchun APL va MLS klublari qiziqish bildirmoqda.

Germaniyalik futbolchining "Yuventus" bilan shartnomasi 2021 yilda yakuniga etadi. Jarohat bois Xedira joriy mavsumning katta qismini o‘tkazib yubordi va fevral oyidagina maydonga qaytdi.