"Ювентус" ҳимоя қўрғонини мустаҳкамламоқчи

Франциянинг "Лилль" клуби марказий ҳимоячиси Габриэл Магальянеш фаолиятини Италия А Сериясида давом эттириши мумкин.

22 ёшли бразилиялик футболчига "Ювентус"дан жиддий қизиқишлар пайдо бўла бошлаган. Бу ҳақда Sport Mediaset нашри хабар тарқатмоқда.

Бундан аввалроқ, Магальянешга "Реал", "Арсенал" ва "Эвертон" ҳам қизиқаётгани ҳақида хабарлар тарқалган эди.

Габриэл Магальянеш жорий мавсум “Лилль” сафида 34 та ўйинда майдонга тушди ва 1 та гол уришга эришди. Унинг трансфер нархи эса 15 млн еврога баҳоланмоқда.