"Ювентус" Погбадан осонгина воз кечмоқчи эмас. Энди унинг учун "МЮ"га қайси футболчиларини таклиф қилмоқда?

Франциялик жаҳон чемпиони Поль Погбанинг кейинги тақдири борасида ҳали ҳам қизғин муҳокамалар давом этмоқда.

Айниқса, “Ювентус” собиқ футболчисини ортга қайтариш йўлидан ҳали бери чекинмайдиганга ўхшайди. Улар Погба эвазига "Манчестер Юнайтед"га Федерико Бернардески, Дуглас Коста ёки Адриан Рабьони таклиф қилмоқчи. Бу ҳақида “La Gazzetta dello Sport” хабар бермоқда. 

"Ювентус" ёзги трансфер ойнасида "Манчестер Юнайтед" ярим ҳимоячисини сотиб олиш ниятида юрибди. Шунинг учун ҳам, Турин клуби трансфер суммасини камайтириш мақсадида юқорида номлари келтирилган ўйинчиларини шартномага қўшишга тайёр.

Эслатиб ўтиш керакки, Погба 2012 йилдан 2016 йилгача "Ювентус"да тўп сурган. “МЮ” футболчи учун 2016 йилнинг август ойида 105 миллион евро тўлаган.

Фикрлар

Фикр қолдириш учун авторизациядан ўтинг!