"Ювентус" ва "Наполи" футболчи ўзаро алмаштирмоқчи

Италия нашрлари "Ювентус" ва "Наполи" қишки трансферлар даврида ўзаро футболчи алмаштиришидан хабар топди.

Calciomercato нашри тарқатган хабарга қараганда, “кекса синьора” неаполликларга Федерико Бернардескини бериб, эвазига Аркадиуш Миликни таркибга қўшиб олмоқчи.

Миликнинг “Наполи” билан амалдаги шартномаси ёзда ўз ниҳоясига етади ва у клуб билан бу келишувни узайтиришни хоҳламаяпти. Натижада, уни жорий мавсум бирорта ҳам ўйинда майдонга туширишмади. Аркадиушнинг трансфер нархи 27 млн еврога баҳоланмоқда.

Бернардески “Ювентус” сафида жами 6 та ўйинда майдонга тушди холос. Унинг трансфери 25 млн еврога баҳоланмоқда.