"Ювентус" яна бир етакчи ҳимоячисини номаълум муддатга йўқотди

Туриннинг "Ювентус" клуби ҳимоячиси Маттиа Де Шильо жароҳат олиб сафдан чиқди. Бу ҳақда клуб расмий сайти хабар тарқатмоқда.

Юқоридаги манбаага кўра 26 ёшли италиялик футболчи кеча А Сериянинг 2-туридан ўрин олган “Наполи”га (4:3) қарши бўлиб ўтган ўйинда мушакларидан жароҳат олган. Ҳозирча унинг қачон сафга қайтиши номаълум.

Эслатиб ўтамиз, бундан аввалроқ “Ювентус”нинг бошқа бир етакчи ҳимоячиси Жоржо Кьеллини тиззасидан жиддий жароҳат олган эди. У катта эҳтимол билан бу мавсум бошқа майдонга туша олмайди.