"Ювентус" ёш иқтидор эгаси билан шартномани узайтирмоқчи

"Ювентус" Кенан Йилдиз билан шартномани узайтириш ниятида.

"La Gazzetta dello Sport" нашрининг хабар беришича, туринликлар 20 ёшли ярим ҳимоячига 2030 йилгача амал қиладиган шартнома таклиф этишмоқчи ва унинг маошини йилига 3-4 миллион еврогача кўтармоқчи. Йилдиз билан шартномани клублараро жаҳон чемпионатидан сўнг узайтириш режалаштирилмоқда.

Taъкидланишича, "Ювентус" Йилдизни ҳам ўйин, ҳам тижорат нуқтаи назаридан муҳим футболчи деб баҳолайди. Кенаннинг клуб билан ҳозирги шартномаси 2029 йилда тугайди.

Ўтган мавсум А Серияда Йилдиз 35 та ўйинда иштирок этиб, 7 та гол урди ва 4 та голли узатмага муаллифлик қилди.