"Ювентус"га "Челси" ҳимоячиси керак
Лондоннинг "Челси" клуби ҳимоячиси Эмерсон Пальмери "Ювентус"нинг қизиқишлар доирасига кириб қолди. Бу ҳақда Calciomercato нашри хабар тарқатмоқда.
Юқоридаги манбаага кўра туринликлар 25 ёшли бразилиялик футболчини ёзги трансферлар даврида сотиб олишмоқчи. Таъкидлашларича Эмерсон “Юве”нинг асосий чап қанот ҳимоячиси Алекс Сандрога муносиб рақобатчи бўлиши кутилмоқда.
Маълумот учун, Эмерсон жорий мавсум “Челси” сафида 18 та ўйинда майдонга тушди ва 1 та голли узатмага муаллифлик қилди. Унинг клуб билан амалдаги шартномаси 2022 йилга қадар имзоланган.
Фикрлар