"Ювентус"нинг бир йилдан ортиқроқ давом этган сафардаги мағлубиятсиз серияси барҳам топди

Хабарингиз бор «Ювентус» кеча УЕФА Чемпионлар лигаси гуруҳ босқич сўнгги турида сафарда «Янг Бойз»га (1:2) имкониятни бой бериб қўйди.

Эътиборлиси, туринликлар шу тариқа 2017 йилнинг ноябридан буён илк бор сафарда мағлуб бўлишди. Ўшанда “Сампдория” меҳмони бўлган “Юве” 2:3 ҳисобида ютқазиб қўйган эди. Шундан сўнг “кекса синьора” сафарда 26та расмий учрашув ўтказди ва шуларнинг 23тасида зафар қучиб, бор йўғи 3тасида дуранг қайд этди.

Эслатиб ўтамиз, гарчи “Янг Бойз”га енгилган бўлсада “Ювентус” гуруҳда биринчи ўрин билан плей-оффга йўл олди.