"Ювентус"нинг "Наполи"га қарши ўйин қайдномаси эълон қилинди

"Ювентус" мураббийлар штаби бугун А Сериянинг 3-туридан ўрин олган "Наполи"га қарши баҳс учун қайдномани эълон қилди.

Бундан аввалроқ, “Наполи” футболчиларининг айримларида коронавирус аниқлангани сабаб, учрашув бекор қилиниши мумкинлиги ҳақида хабарлар тарқалган эди. “Ювентус” – “Наполи” ўйини бугун Тошкент вақти билан соат 23:45 да бошланади.

Дарвозабонлар: Войцех Шенсни, Карло Пинсольо, Жанлуиджи Буффон.

Ҳимоячилар: Маттиа Де Шильо, Жоржо Кьеллини, Данило, Хуан Куадрадо, Леонардо Бонуччи, Мерих Демирал, Жанлука Фработта.

Ярим ҳимоячилар: Артур, Аарон Рэмзи, Уэстон Маккенни, Родриго Бентанкур, Маноло Портанова, Ханс Николусси-Кавилья, Деян Кулушевски.

Ҳужумчилар: Криштиану Роналду, Альваро Мората, Пауло Дибала, Дуглас Коста, Жакомо Вриони.