Юз миллион еврони ол, футболчини бизга бер!

«Арсенал»нинг «Ювентус» яримҳимоячиси Кенан Йилдизга бўлган қизиқиши яна кун тартибига чиқди. 

The Touchline нашрининг Tuttosportга таяниб хабар беришича, лондонликлар 21 ёшли турк истеъдоди учун тахминан 100 миллион евро таклиф қилишга тайёр.

Кенан Йилдизга «Арсенал» томонидан қизиқиш ҳақидаги маълумотлар матбуотда аввал ҳам бир неча бор пайдо бўлган. Бироқ шу кунга қадар аниқ расмий таклиф берилмаган эди. Энди эса «канонирлар»нинг футболчини қўлга киритиш нияти жиддий тус олгани айтилмоқда.

Transfermarkt портали маълумотларига кўра, Кенан Йилдизнинг бозор қиймати 75 миллион еврони ташкил этади. Февраль ойида универсал ҳужумкор футболчи «Ювентус» билан шартномасини 2030 йилгача узайтирган эди. У вингер сифатида ҳам, ҳужумчи ортидаги марказий позицияда ҳам ўйнай олади.