Юз олтмиш миллион берамиз! “Реал” ўта катта трансферга қўл уряпти

Мадриднинг “Реал” клуби яқинлашиб келаётган трансфер ойнасида таркибни кучайтириш режаларини тузмоқда ва жамоа ўйинини кучайтира оладиган янги ижроқчиларни танлаяпти.

“Қироллик клуби” раҳбарияти “Бавария”да порлаётган ҳужумкор футболчи Майкл Олисега жиддий қизиқиш билдирмоқда. Бу ҳақда Bild нашри хабар берди.

Маълумотларга кўра, “Реал” президенти Флорентино Перес француз футболчисини жуда юқори қадрлайди  ва уни сотиб олиш учун 160 миллион евро таклиф қилишга тайёр.

Бироқ  “Бавария” Олисени яқин келажакда сотишни режалаштирмаган. Француиялик ҳужумкор футболчи Мюнхен клубида иккинчи мавсумини ўтказмоқда. Шу вақт ичида у 93 та ўйинда иштирок этиб, рақиблар дарвозасига 35 та гол урди ва жамоадаошларига 50 та голли узатма берди.