"Зенит" Черишевни Россияга қайтаради

"Валенсия" клуби вингери Денис Черишев фаолиятини ўз ватанида давом эттириши мумкин.

"СЭ" нашри мухбири Игорь Рабинернинг хабар беришича, 29 ёшли россиялик футболчи мамлакатнинг амалдаги чемпиони ҳисобланган “Зенит” клуби билан деярли келишувга эришган. Ҳозирча трансфер нархи эълон қилинмаяпти. Аммо, айрим манбаларга кўра питерликлар Черишев учун 15 млн евро тўлашади.

Черишев жорий мавсум 31 та ўйинда майдонга тушди ва 3 та гол ҳамда 2 та голли узатмага муаллифлик қилди.