Зидан: Асенсионинг жароҳати жиддий

Мадриднинг “Реал” клуби бош мураббийи Зинедин Зидан бугун “Арсенал”га қарши ўйинда жароҳат олган Марко Асенсио ҳақида ўз фикрини билдириб ўтди.

Эслатиб ўтамиз, испаниялик футболчи чап тиззасидан жиддий жароҳат олди ва камида 8-9 ой майдонга тушмаслиги тахмин қилинмоқда.

“Биз содир бўлган воқеадан хавотирдамиз. Асенсионинг жароҳати тиззаси билан боғлиқ. У тиббий кўрикдан ўтиш учун дарҳол касалхонага юборилди. Ҳозирча ҳаммаси ёмон кўринмоқда. Аммо, умид қиламизки жароҳат биз кутгандек жиддий бўлиб чиқмайди. Бу биз учун куннинг энг ёмон воқеаси бўлди. Бундай футболчининг йўқлиги ўйинимизга таъсир ўтказмай қолмайди”, - дейди франциялик мутахассис.