Зидан Германиядан иш топди

“Реал” бош мураббийи Зинедин Зиданнинг ўғли Энцо фаолиятини Германияда давом эттиришга  тайёргарлик кўряпти.

Германия иккинчи дивизионида иштирок этаётган “Эрцгебирге” клуби президенти 25 ёшли ёшли ҳужумчига шартнома таклиф қилган.

- Энцо Зидан билан музокаралар тўрт ҳафта давом этди. Трансфернинг чўзилишига коронавирус пандемияси ҳам таъсир ўтказди, - деди  “Эрцгебирге” клуби президенти Хельге Леонхардт.

Энцо Зидан октябрь ойининг бошида Испаниянинг “Алмерия” клубини тарк этган ва ишсиз юрган эди. Машҳур мураббийнинг ўғли фаолияти давомида Швейцария ва Португалия клубларида ҳам тўп тепган.