Зидан навбатдаги мағлубиятга қандай изоҳ берди?

Ла Лига 11-туридан ўрин олган учрашувда "Реал" "Алавес"га 1:2 ҳисобида мағлуб бўлди. Ушбу ўйиндан сўнг мадридликлар бош мураббийи Зинедин Зидан ўз фикрлари билан ўртоқлашди.

"Спорт формамиз борасида ҳеч қандай изоҳ йўқ. Бугун биз икки хил: яхши ва ёмон ўйин кўрсатдик. Гол ўтказиб юборганимиздан сўнг, барчаси анча мураккаблашди. "Интер"га қарши зўр ўйин намойиш этгандик. Аммо бугун эмас.

Биз футболчиларимизнинг формага қайтиши ва ўйин услубимизни ўзгартириш учун астойдил ҳаракат қилишимиз керак", - дея франциялик мутахассис сўзларини келтирмоқда "Marca" нашри.

Бу "Реал" учун мавсумдаги 3-мағлубият сифатида қайд этилди. Аввалроқ, "қироллик клуби" "Кадис" ҳамда "Валенсия"га ютқазган эди.