Зидан раҳбарлар олдида изза бўлди. У катта хато қилиб қўйди

“Реал” бош мураббийи Зинедин Зидан “Қироллик клуби” раҳбарлари олдида уялиб қолди. Франциялик мутахассис бир неча кучли футболчиларни яроқсизга чиқариб, уларни арзонга бошқа жамоага сотиб юборган эди.

Хусусан, Зидан раҳбарларни бошқа юқори даражада ўйнай олмаслигига ишонтирган Хамес Родригес Англия чемпионатида нималарга қодирлиги исботлаб келмоқда. Қисқа муддатда “Эвертон” етакчисига айланган колумбиялик плеймейкер бешта учрашувда учта гол уриб, жамоадошларини учта голли пас билан таъминлади.

Қолаверса, Зиданга ёқмагани учун Мадридни тарк этган Серхио Регилон ва Дани Себальос ҳам Англияда ўзини кўрсатмоқда. Энди улар қаторига Моуриньонинг ёқимтойи Гарет Бэйл ҳам қўшилиши мумкин.

Бу футболчилар Зиданнинг қарори нотўғри бўлганини ўз ўйинлари орқали исботлаб бермоқда.  Ёзда бирорта ўйинчини трансфер қилмаган “Реал”да эса кадрлар масаласи кўндаланг бўлиб турибди.

Матнда хатолик топсангиз, ўша хатони белгилаб, бизга жўнатинг (Ctrl + Enter)