Зидан: "Реал"нинг Алекс Фергюсони эмасман

"Реал" бош мураббийи Зинедин Зидан журналистнинг ўзини "Манчестер Юнайтед"ни бошқарган сэр Алекс Фергюсонга таққослаши ҳақидаги саволига жавоб берди.

"Албатта, ҳеч қачон "Реал"нинг Алекс Фергюсони бўла олмайман. Бу ерда қанча вақт қолишимни билмайман, бу ҳақида ўйлаётганим ҳам йўқ. Мен ҳозирги кундалик ишлари ҳақида бош қотиряпман", - дейди Зидан.

Фергюсон "Манчестер Юнайтед"ни 1986-2013 йиллар мобайнида бошқарган. У клуб билан 13 карра Англия чемпионига айланди, шунингдек ЕЧЛ унвонини икки маротаба қўлга киритди, Англия Кубогини 5 марта ютди ва Лига Кубоги финалида 3 маротаба ғолиб бўлди.

Зидан "Реал"га 2016-2018 йилларда устозлик қилди, ярим мавсум танауффусдан сўнг, 2019 йилда жамоа бошқарувига қайтди. Франциялик мутахассиснинг қўли остида мадридликлар икки маротаба Испания чемпионига айланди ва 3 марта ЕЧЛ унвонини қўлга киритди.