Зидан: Роналду "Ювентус"га қарши қандай формада бўлган бўлса, ҳозир ҳам шундай

Мадриднинг “Реал” клуби бош мураббийи Зинедин Зидан УEФА Суперкубогида “Манчестер Юнайтед”га қарши ўтказиладиган ўйин олдидан ўз фикрларини билдириб ўтди.

“Биз яхши формадамиз ва мавсумни бошлашга тайёрмиз. Биз жисмоний тайёргарлик борасида катта ишлар олиб бордик. Эртанги ўйинда бир нечта факторлар ўйин тақдирини хал этиши мумкин. Биз доимо ўз футболимизни ўйнаб келганмиз. Эртанги рақибимиз ҳақида кўп нарсаларни биламиз ва улардан оқилона фойдаланишимиз керак.

Криштиану мени хайрон қолдирмоқда. У ЕчЛ финалида қандай формада бўлган бўлса, ҳозир ҳам худди шундай формада. У ўйнашга тайёр. Майдонга тушадими ёки йўқ эртага билиб оламиз.

Бейл ҳам яхши формада ва жамоа билан машғулотларда иштирок этмоқда. У 4 ой ўйнамади. Бироқ ҳозир ҳаммаси жойида”, – деб айтиб ўтди франсиялик мутахассис.

Эслатиб ўтамиз, uff.uz журналисти Санъат Шарипов айни дамда УЕФА Суперкубоги бўлиб ўтадиган Скопье шаҳрида бўлиб турибди ва Sports.uz интернет-ахборот портали мухлислари учун ушбу баҳсни яқиндан ёритиш мақсадида турли фото ва видео хабарлар юбормоқда. Кун давомида биз билан қолинг.