"Andijon" nazorat uchrashuvida "Neftchi"ni engdi

Xabaringiz bor yana sanoqli kunlardan so‘ng mamlakatimiz Superligasining yangi mavsumi start oladi.

Shu bois elitada ishtirok etuvchi klublar ayni kunlarda so‘nggi tayyorgarlik jarayonini o‘tkazishmoqda. Jumladan, Eldor Sakaev boshchiligidagi “Andijon” klubi bugun qo‘shni Farg‘onaning “Neftchi” jamoasiga qarshi nazorat uchrashuvida maydonga tushdi va Ro‘zimboy Ahmedovning dubli evaziga 2:1 hisobida g‘alaba qozondi.

Eslatib o‘tamiz, “Andijon” yangi mavsumning ilk turini 8 mart kuni Navoiyda "Qizilqum"ga qarshi o‘tkazadi.