Dide Desham futbol tarixiga kirdi

Xabaringiz bor bundan biroz avval Moskvadagi “Lujniki” stadionida futbol bo‘yicha XXI jahon chempionati o‘z yakuniga etdi. Unda Frantsiya Xorvatiyani 4:2 hisobida taslim etib o‘z tarixidagi ikkinchi chemponlikni qo‘lga kiritdi.

E’tiborli jihati frantsiyaliklar ustozi Dide Desham jahon chempionatlari tarixida ham futbolchi sifatida, ham murabbiy sifatida g‘olib bo‘lgan 3-shaxs bo‘ldi. Eslatib o‘tish lozimki, 49 yoshli mutaxassis bundan roppa-rosa 20 yil muqaddam o‘tkazilgan mundialda futbolchi sifatida g‘olib chiqqan edi.

Ma’lumot uchun, bundan avval ushbu natijaga faqatgina Mario Zagalo (Braziliya) va Frants Bekkenbauerlar (Germaniya) sazovor bo‘lishgan.