Emeri "Arsenal"ga A Seriyadan himoyachi olib kelmoqchi

Londonning "Arsenal" klubi bosh murabbiyi Unai Emeri "Torino" himoyachisi Nikolya N'Kuluni o‘z jamoasida ko‘rmoqchi.

Mirror nashri tarqatgan xabarga ko‘ra 28 yoshli futbolchi "kanonirlar"ning joriy qishki transferlar davridagi asosiy nishoniga aylandi.

Ma’lumot uchun, N'Kulu joriy mavsum turinliklar safida 20ta o‘yinda ishtirok etdi va o‘z hisobiga 2ta gol yozdirib qo‘yishga erishdi. Transfermarkt talqini bo‘yicha uning narxi 13 mln evroni tashkil etadi.