ЕЧЛ. Бугун бўлиб ўтадиган ўйинлар рўйхати билан танишинг

Европа Чемпионлар лигасининг чорак финал босқичи жавоб учрашувларига старт берилади. Бугун ушбу босқич доирасида икки беллашув бўлиб ўтади.

Жумладан, “Атлетико Мадрид” ўз майдонида “Барселона”ни қабул қилади. Илк учрашувда “матрасчилар” 2:0 ҳисобида ғалаба қозонган эди. Жамоалар ўртасидаги жавоб баҳси Тошкент вақти билан соат 00:00'да бошланади.

Шу билан бир вақтда “Ливерпуль” ҳамда ПСЖ жамоалари ўзаро куч синашади. Маълумот учун, Луис Энрике шогирдлари илк баҳсда ўз майдонида мерсисайдликларни 2:0 ҳисобида мағлуб этган эди.