Isroil Madrimov WSB haftaligining eng yaxshi bokschisi deb topildi

Butunjahon boks seriyalari (WSB) VII mavsum chorak final ilk janglarining eng yaxshi bokschisini aniqlash uchun o‘tkazilgan so‘rovnoma yakuniga etdi.

Unga ko‘ra, “Uzbek Tigers” a’zosi Isroil Madrimov (75 kg) 71% ovoz jamg‘arib, eng yaxshi bokschi deb topildi. U Samarqandda amaldagi chempion “Cuba Domadores” bokschilariga (3:2) qarshi kechgan jangda Rio Olimpiadasi va jahon chempioni Arlen Lopesni mag‘lub etgan edi.

Shuningdek, ushbu so‘rovnomada “France Fighting Roosters” vakili ispaniyalik Samuel Karmona 24% va “Astana Arlans” bokschisi Saparbay Aydarov 5% ovoz bilan keyingi o‘rinlarni band qilishdi.

>>> “Uzbek Tigers” javob uchrashuvida “Cuba Domadores” to‘sig‘idan o‘ta oladimi? (sharh)

Eslatib o‘tamiz, “Uzbek Tigers” bokschilari “Cuba Domadores” jamoasiga qarshi javob uchrashuvlarini 19 may kuni o‘tkazadi.