JCh-2018: Bokschilarimizning bugungi raqiblari bilan tanishing

Vengriyaning Budapesht shahrida o‘tayotgan boks bo‘yicha jahon chempionati-2018 turnirining beshinchi kungi bellashuvlarida ikki nafar og‘ir vaznli bokschilarimiz o‘z omadlarini sinab ko‘rishadi.

Kunduzgi bellashuvlarda Jamshid Maxamadaliev chorak final uchun kechadigan jangda ukrainalik Kirilo Stoianchevni sinovdan o‘tkazadi. Bu qarama-qarshilik g‘olibi yarim final yo‘llanmasi uchun bo‘ladigan to‘qnashuvda polshalik Oskar Koperaga qarshi ringga ko‘tariladi.

Kechki dasturdan o‘rin olgan janglarda -91 kg vazn toifasida Javohir Tog‘aymurodov boshqa bir ukrainalik bokschi Marat Grigoryan bilan kuch sinashadi. G‘olib bokschi chorak finalga yo‘l oladi.

Kunduzgi dastur

+91 kg: Jamshid Maxamadaliev (O‘zbekiston) – Kirilo Stoianchev (Ukarina)

Kechki dastur

-91 kg: Javohir Tog‘aymurodov (O‘zbekiston) – Marat Grigoryan (Ukarina)

Eslatib o‘tamiz, kecha o‘tkazilgan janglarning barchasida vakillarimiz g‘alaba qozonishdi.