Levandovski "Bavariya" rahbariyatidan boshqa jamoaga qo‘yib yuborishni so‘ramoqda
"Bavariya" hujumchisi Robert Levandovski jamoani tark etmoqchi.
Polshalik futbolchi myunxenliklar rahbariyatidan ushbu yozgi transferlar mavsumida boshqa jamoaga qo‘yib yuborishini so‘ramoqda.
O‘z navbatida "Bavariya" 29 yoshli futbolchini jamoada olib qolishga harakat qilmoqda. Shuningdek, klub rahbariyati Levandovski va yangi bosh murabbiy Niko Kovach o‘rtasida bo‘lib o‘tadigan suhbatdan so‘ng yakuniy qarorni qabul qiladi.
Hozirda Levandovski xizmatlariga "Chelsi" va "Manchester Yunayted" jamoalari jiddiy qiziqish bildirmoqda.
Fikrlar