“Lokomotiv” Turkiya yig‘iniga jo‘nab ketdi

“Lokomotiv” yangi 2019 yilgi mavsum uchun tayyorgarlikning ikkinchi bosqichini o‘tkazish uchun Turkiyaga jo‘nab ketdi. Bu haqda klub rasmiy sayti xabar bermoqda.

30 yanvar - 13 fevral kunlari Antaliyada o‘tadigan yig‘inlarda “temiryo‘lchilar” 4ta sinov-nazorat o‘yinlarini o‘tkazadi.

Dastlab, 4 fevral kuni Mokvaning “Dinamo”si jamoamiz raqibi bo‘ladi. “Lokomotiv” 6 fevralda Qozog‘istonning 5 karra chempioni “Astana” klubi bilan kuch sinashadi. 9 fevralda Ukrainaning “Zarya” jamoasi “Loko” bilan bahs olib boradi. “Temiryo‘lchilar” 12 fevralda Sloveniyaning “Olimpik” klubi bilan bahs olib boradi.