"Manchester Siti" ukrainalik futbolchisini APLning boshqa bir jamoasiga sotishga rozi bo‘ldi

“Vulverxempton” klubi hamon “Manchester Siti” yarim himoyachisi Aleksandr Zinchenkoning transferi borasidagi ishlarni davom ettirmoqda.

Sky Sports nashri tarqatgan xabarga ko‘ra jamoalar 21 yoshli ukrainalik futbolchining transferi borasida o‘zaro kelishuvga erishishgan. “Vulverxempton” Zinchenko uchun “shaharliklar”ga 16 million funt to‘laydi.

Biroq, “Vulverxempton” rahbariyatining oldida futbolchining o‘zi bilan kelishib olish qolmoqda.

Eslatib o‘tamiz, bundan avvalroq Zinchenko “Manchester Siti”da qolib, asosiy tarkibga kirish uchun kurash olib bormoqchiligi haqida aytib o‘tgan edi.