Nigina Sankt-Peterburgda kuchli raqibga duch keldi

Oldin xabar berib o‘tganimizdek, ayni kunlarda Rossiyaning Sankt-Peterburg shahrida "Neva Cup 2017" turniri davom etmoqda.

Mukofot jamg‘armasi 15 000 AQSh dollarini tashkil  etuvchi ushbu turnirda O‘zbekistonning ikkinchi  raketkasi Nigina Abdurailomova ham ishtirok etmoqda. Tennischimiz bugun o‘zining ilk o‘yinini o‘tkazdi.

Dastlabki, davrada Nigina mezbonlar vakilasi Polina Leykinaga qarshi kortga chiqdi. 2 soat 30 daqiqa davom  etgan qarama-qarshilikda vakilamiz 6:1, 2:6, 6:3 hisobida g‘alaba qozondi.

Endi Abduraimova ikkinchi  davrada turnirning birinchi  raketkasi Donna Vekich(Xorvatiya)ga qarshi bahs yuritadi. Mazkur qarama-qarshilik bugun Toshkent vaqti bilan soat 15.00 da start olishi rejalashtirilgan.