O‘zbek ayol grossmeysterlari soni yana bittaga oshdi

Xalqaro shaxmat federatsiyasi FIDE o‘zbekistonlik bir qator sportchilarga yangi unvon taqdim etilganini e’lon qildi.

• Sarvinoz Qurbonboeva: Xalqimning e’tibori va ishonchi men uchun g‘oliblikdanda ko‘proq yutuqdir!

Xususan, shaxmatchilarimizdan Sarvinoz Qurbonboeva xalqaro grossmeysterlik unvonini qo‘lga kiritgan uchinchi o‘zbekistonlik ayol shaxmatchiga aylangan bo‘lsa, Nodirbek Abdusattorov va Roman Golubevlar xalqaro sport ustasi unvonini qo‘lga kiritishdi.

Qayd etish joiz, oldinroq Gulruhbegim Tohirjonova ham xalqaro grossmeyster unvoniga loyiq topilgandi.