Penchak silat bo‘yicha JChda terma jamoamiz o‘z tarixida ilk oltin medalni qo‘lga kiritdi va eng yaxshi jamoa bo‘ldi

Penchak silat bo‘yicha O‘zbekiston terma jamoasi joriy yil 12-17 dekabr kunlari Singapur davlatida bo‘lib o‘tgan XVIII jahon chempionatida ishtirok etdi.

Mazkur dunyo birinchiligida jahonning 70 dan ortiq davlatlari orasida terma jamoamiz a’zolari umumjamoa hisobida 5-o‘ringa ko‘tarildi va musobaqaning eng yaxshi jamoasi unvonini qo‘lga kiritdi.

Musobaqada Abdumalik Salimov oltin medal sohibi bo‘lish bilan birga, jahon chempionatining eng yaxshi sportchisi deb topildi. Shuningdek, Ayubxon Abdullaev bronza medali bilan taqdirlandi.