“Real” Karim Benzema bilan shartnomani uzaytirmoqchi

So‘nggi paytlarda Ispaniyaning “Real” klubi Karim Benzemani yozda boshqa jamoaga sotib yuborishni rejalashtirayotgani to‘g‘risida xabarlar tarqalgandi. Ammo Ispaniyadagi eng nomdor nashrlardan hisoblangan AS bunday deb hisoblamayapti.

Manbaning ma’lum qilishicha, “qirollik klubi” forvard bilan amaldagi shartnomani uzaytirmoqchi. Klub vakillari frantsiyalik futbolchiga 2021 yoki 2022 yilgacha bo‘lgan yangi shartnoma taklif qilishmoqchi.   

Ma’lumot o‘rnida, Karim Benzema bu mavsum Ispaniya chempionatida 15 o‘yinda maydonga tushgan va 5 bor raqiblari darvozasini ishg‘ol qilgan.