"Real" Modrich va Kroosga o‘rinbosar topdi

Madridning "Real" klubi rahbariyati jamoa markaziy chizig‘i etakchilari – Luka Modrich hamda Toni Krooslarning o‘rniga munosib futbolchini “Arsenal”dan topdi.

Berilgan ma’lumotlarga qaraganda “qirollik klubi”ning e’tibori “kanonirlar” xavbeki Aaron Remziga tushgan. Madridliklarning fikricha aynan mana shu 27 yoshli uelslik futbolchi yuqorida nomlari tilga olingan ikki futbolchining o‘rnini bosishi mumkin.

Ta’kidlash kerakki, Remzining “Real”ga kelishini uning jamoadagi hamyurti Garet Beyl ham qo‘llab-quvvatlamoqda.

Eslatib o‘tamiz, joriy mavsum yakunida “Arsenal” bilan shartnomasi yakunlanib erkin agentga aylanadigan Remziga shuningdek “Milan” va “Yuventus” klublaridan ham jiddiy qiziqishlar bo‘lmoqda.