"Real"ning yangi bosh murabbiyi kim bo‘lishi aniq (FOTO)

"Real" Madrid klubi bosh murabbiyi vazifasini vaqtincha bajaruvchi hisoblangan Santyago Solari endi jamoaning doimiy murabbiyi etib tayinlanadi.

Football Espana nashri tarqatgan xabarga ko‘ra Ispaniyada vaqtinchalik murabbiy 15 kundan ortiq ishlashi mumkin emas. Shu bois Solari tez orada “Real” bilan mavsum oxirigacha shartnoma imzolaydi.

Eslatib o‘tamiz, Solari “qirollik klubi” boshqaruvini bundan 2 hafta muqaddam, ya’ni Xulen Lopetegining iste’fosidan so‘ng qabul qilib olgan edi. O‘tgan vaqt mobaynida “Real” uning boshqaruvida 4ta o‘yin o‘tkazdi va barchasida g‘alaba qozondi.