Husanovga yana hushxabar

Замонавий футболда 23 ёшгача бўлган футболчилар клубларнинг салоҳиятини намоён этадиган кучга айланиб улгурган. Шу боис футбол соҳасидаги тадқиқотларга ихтисослашган CIES Football Observatory тадқиқот маркази шу ёшдаги ўйинчиларнинг кўрсаткичларини алоҳида ўрганиб чиқади.

CIES экспертлари жаҳондаги 67 та лигани қамраб олган тадқиқоти натижада 23 ёшгача бўлган энг кучли футболчилар рўйхатини тузди.

Рейтингни шакллантиришда ёш ўйинчиларнинг салоҳияти эмас, балки сўнгги олти ичидаги учрашувлар даражаси, барқарорлик ва ўйинга таъсир кўрсатиш каби аниқ самарадорлик хусусиятларини асос қилиб олди. Шунингдек, футболчиларнингбаҳслардаги индивидуал кўрсаткичлари, натиажалар ва майдонда ўтказган вақти ҳам инобатга олинди.

Халқаро спорт тадқиқотлари маркази рейтингига Ўзбекистон миллий терма жамоаси ва “Манчестер Сити” клуби марказий ҳимоячиси Абдуқодир Ҳусанов ҳам киритилди.

22 ёшли легионеримиз Англия чемпионатидаги 23 ёшгача бўлган футболчилар рейтингида 79,9 кўрсаткич билан 19-ўринни эгаллади. Ўзбек ҳимоячиси чекланган ўйин вақтига қарамай, ҳужумларни қуришда юқори даражада ўйин намойиш этгани алоҳида эътироф этилмоқда.

АПЛдаги рейтингда биринчи ўринни “Ливерпуль” ярим ҳимоячиси Флориан Виртц эгаллади, ундан кейин Райан Шерки (“Манчестер Сити”) ва Льюис Холл (“Ньюкасл Юнайтед”) жойлашди.

CIES версиясига кўра АПЛдаги 23 ёшгача бўлган энг яхши футболчилар рейтинги қуйидагича кўриниш олди.

1. Флориан Виртц (“Ливерпуль”) — 93,8
2. Райан Шерки (“Манчестер Сити”) — 90,0
3. Льюис Холл (“Ньюкасл Юнайтед”) — 87,7
4. Нико О’Райли (“Манчестер Сити”) — 87,5
5. Милош Керкез (“Ливерпуль”) — 85,8
6. Алехандро Гарначо (“Челси”) — 85,4
7. Адам Уортон (“Кристал Пэлас”) — 85,3
8. Мало Гюсто (“Челси”) — 84,1
9. Майкл Кайоде (“Брентфорд”) — 82,6
10. Хави Симонс (“Тоттенхэм”) — 82,1
11. Алекс Хименес (“Борнмут”) — 81,6
12.  Янкуба Минтех (“Брайтон”) — 81,6
13. Омари Хатчинсон (“Ноттингем Форест”) — 81,2
14. Конор Брэдли (“Ливерпуль”) — 80,9
15. Льюис Майли (“Ньюкасл Юнайтед”) — 80,8
16. Матеус Фернандес (“Вест Хэм Юнайтед”) — 80,8
17. Алекс Скотт (“Борнмут”) — 80,6
18. Ной Садики (“Сандерленд”) — 80,2
19. Абдуқодир Ҳусанов (“Манчестер Сити”) — 79,9
20. Ясин Аяри (“Брайтон”) — 79,7.

Эслатиб ўтамиз, жорий мавсумда Абдуқодир Ҳусанов “Манчестер Сити” таркибида Англия лигаси кубогида ғолиб чиқиб, легионер сифатидаги биринчи совринини қўлга киритди.

Айни пайтда “шаҳарликлар” Англия Премьер-лигаси ва мамлакат кубоги мусобақаларида ҳам ғолиблик учун курашмоқда.

Чемпионлик жангида “Арсенал”ни тўхтатиш яна Ҳусановга топширилади

Шомуродовдан қолган жойни Муҳаммад Салоҳ эгаллайди

Ҳусанов рейтингда биринчи!