"Sevilya" Vidalning transferi borasida kelishuvga erishdi

"Sevilya" klubi "Barselona" himoyachisi Aleish Vidalning transferi borasida kelishuvga erishdi. Bu haqda Sport.es nashri xabar bermoqda.

Unga ko‘ra andalusiyaliklar 29 yoshli futbolchi uchun kataloniyaliklarga taxminan 8-9 mln evro to‘lashadi. Xabarlarga qaraganda Vidal “Barselona” AQShdan qaytgach “Sevilya” bilan shartnoma imzolaydi.

Eslatib o‘tamiz, Vidal “Barselona” safiga 2015 yil aynan “Sevilya”dan ko‘chib o‘tgan edi.