Valverde "Barselona" bilan shartnomani uzaytirish haqida o‘ylamayapti

Kataloniyaning "Barselona" klubi bosh murabbiyi Ernesto Valverde jamoa bilan amaldagi shartnomasini uzaytirish haqida o‘ylamayotganini aytdi.

“Men hech kim bilan muzokaralar o‘tkazmadim. Menimcha yangi shartnoma haqida gapirishga juda erta”, - deydi 54 yoshli mutaxassis.

Eslatib o‘tamiz, Valverdening “ko‘k-anor ranglilar” bilan amaldagi shartnomasi 2019 yilda o‘z nihoyasiga etadi. Ta’kidlash kerakki, uning boshqaruvidagi “Barselona” o‘tgan mavsum Ispaniya chempionati va kubogida zafar quchdi.