Xabibulina Turkiyadagi turnirni muvaffaqiyatli boshladi

Ayni kunlarda Turkiyaning Antalya shahri ayollar o‘rtasidagi mukofot jamg‘armasi 15 000 AQSh dollarini tashkil etuvchi turnir bo‘lib o‘tmoqda.

Mazkur turnirda hamyurtimiz Albina Xabibulina ham ishtirok etmoqda. U bugun ilk davradagi o‘yinini  o‘tkazdi.

Turnirning 5-tartib raqami ostida saralangan Xabibulinaga ilk davrada italiyalik Francheska Tsella raqibalik qildi.

1 soat 18 daqiqa davom etgan qarama-qarshilikda Albina 6:4, 6:3 hisobidagi g‘alabani qo‘lga kiritdi.

Endi unga ikkinchi davrada xorvatiyalik Ana Bishkich raqibalik qiladi.