Zidan Beyl sabab "Real"dan ketgani ma’lum bo‘ldi

"Real" Madrid klubi sobiq bosh murabbiyi Zinedin Zidan jamoadan Garet Beyl sabab ketgani ma’lum bo‘ldi. Bu haqda El Pais nashri xabar bermoqda.

Unga ko‘ra 46 yoshli frantsiyalik mutaxassis o‘tgan mavsum nihoyasiga etishdan oldin rahbariyatdan uelslik futbolchini sotib yuborishni so‘ragan. Dastavval uning bu talabi amalga oshirilishi ma’lum qilindi. Biroq, Chempionlar ligasi finalidan so‘ng Beyl “Santyago Bernabeu”dagi faoliyatini davom ettirish istagi borligini aytgach, rahbariyat ham uning tarafiga o‘tdi va o‘z fikridan qaytdi. Zidan esa buni o‘zi uchun haqorat deb tushundi va jamoadan ketdi.