Abdumalik Xalokovning qulohini tishlab olgan rossiyalik jahon chempioni o‘zbek bokchisini revanishdan bosh tortganlikda aybladi

Rossiya terma jamoasi a’zosi, jahon chempioni Vsevolod Shumkovning ta’kidlashicha, oʻzbekistonlik olimpiya chempioni Abdumalik Xalokov Dubayda 2025 yili boʻlib oʻtgan IBA jahon chempionati finali atrofidagi mojarodan keyin revanş jangidan oʻzi voz kechgan. 

«Hammaga salomlar. IBA matbuot anjumanidan videoni koʻrdim va u yerda aytilgan gaplar faqat shov-shuv uchun qilinganini aytishni istayman. Chunki Umar Nazarovich Kremlëv jahon chempionatidan keyin bir necha bor revanşni taklif qilgan — ham Toshkentda, ham Oʻzbekistonning oʻzida. Lekin Xalokov jamoasi rozi boʻlmadi. 

Men esa hozir ham istalgan vaqtda, istalgan joyda 6, 8 yoki 10 raundlik jangga tayyorman. Eng muhimi — rozilik bering. Yoki bu mavzuni boshqa koʻtarmang. Hammaga yaxshilik tilayman», — degan Shumkov.

Eslatib oʻtamiz, Dubaydagi IBA jahon chempionati finalida 60 kilogrammgacha vazn toifasida Shumkov va Xalokov oʻrtasidagi jang uchinchi raund yakuniga yaqin sodir boʻlgan voqea tufayli katta bahs-munozaralarga sabab boʻlgan edi. 

Klinch paytida rossiyalik bokschi raqibining qulogʻini tishlagan, oʻzbekistonlik charm qoʻlqop ustasi vakillari bunga koʻrsatgan keskin e’tirozlariga qaramay, referi jang davomida hech qanday jazo choralarini qoʻllamagan. Haqamlar esa bahsli qaror bilan (4:3) gʻalabani va oltin medalni rossiyalik sportchiga bergan.

Keyinchalik IBAning intizomiy va tibbiy komissiyalari ushbu holatni tasodifiy deb baholadi va jang natijasini oʻzgarishsiz qoldirdi. Shu bilan birga, Shumkovga jarima sifatida mukofot pulining 50 foizini toʻlash jazosi qoʻllanildi.