Alaba A Seriya klubi bilan kelishuvga erishdi

Avstriya terma jamoasi himoyachisi David Alaba, madridlik «Real» va myunxenlik «Bavariya» tarkibidagi o‘yinlari bilan yaxshi tanilgan futbolchi, endi Italiya chempionatiga yo‘l olishi mumkin.

Futbol bo‘yicha insayder Fabrizio Romano ijtimoiy tarmoqlarda xabar berishicha, 34 yoshli Alaba «Udineze» klubi bilan og‘zaki kelishuvga erishgan. Himoyachi hozir erkin agent maqomiga ega bo‘lgani uchun, uni italyaliklar transfer to‘lovisiz o‘z safiga qo‘shib olishi mumkin.

O‘tgan mavsum Ispaniya La Ligasida David Alaba 11 ta uchrashuvda maydonga tushgan va bir marta sariq kartochka olgan.

Italiya A seriyasida besh turdan so‘ng «Udineze» to‘rt ochko jamg‘argan holda turnir jadvalidа 15-pog‘onada bormoqda.