Aleksandr Usik promouterlik kompaniyasini qayta ishga tushiryapti

Ukrainalik taniqli bokschi Aleksandr Usik "Usyk 17" promouterlik kompaniyasini qayta ishga tushirishini e’lon qildi.

“Usyk 17 qaytdi. Biz bu bahorda Kievda yirik turnir o‘tkazmoqchimiz. Sanani keyinroq e’lon qilamiz. Bo‘lajak ishtirokchilar faqat Ukrainadan kelgan yosh bokschilar bo‘ladi va biz ularga maqsadlariga erishishda yordam beramiz. Mamlakatimizda yangi chempionlarni tarbiyalash uchun qo‘limizdan kelgan barcha ishni qilamiz”, – dedi Usik ijtimoiy tarmoqlarda.

Ma’lumot uchun, bokschilar bilan ilk shartnomalar va promouter tadbirlari fevral oyi oxirida e’lon qilinishi kutilmoqda.