Allegri “Napoli”ga eski tanishlarini chaqira boshladi

“Napoli” rahbariyati kelasi mavsum oldidan himoyachi Federico Gattini jamoa  tarkibiga qo'shib olish imkoniyatini ko'rib chiqmoqda. Bu haqida Sport Mediaset nashri xabar tarqatdi.

Manbaga ko'ra, transfer tashabbuskori – neapolliklarning yangi bosh murabbiyi Massimiliano Allegri ekan. Italyalik mutaxassis avval “Yuventus”da ishlagan vaqtida Gatti bilan hamkorlik qilgan.

Turin klubi raqobatchisiga futbolchisini sotishni istamasa-da, 25 million evrolik taklif tushsa, himoyachini qo'yib yuborishga tayyor.

28 yoshli Gatti 2022 yil yanvar oyida “Yuventus”ga qo'shilgan. O'tgan mavsum u 28 uchrashuvda maydonga tushib, 4 ta gol urdi. Uning shartnomasi 2030 yilning yozigacha amal qiladi.