Alves nechta uchrashuvga chetlatildi?

"Barselona" klubi La Liga doirasidan o‘rin olgan "Espanol" va "Valensiya"ga qarshi o‘yinlarda tajribali himoyachi Dani Alvesning xizmatlaridan foydalana olmaydi.

Gap shundaki, 38 yoshli braziliyalik futbolchi o‘tgan tur "Atletiko"ga (4:2) qarshi o‘yinning 69-daqiqasida "matraschilar" a’zosi Yannik Ferreyro Karraskoning oyog‘iga orqa tomondan zarba bergani uchun maydondan chetlatilgan edi. Bunday turdagi qo‘pollik uchun futbolchi kamida 2 ta uchrashuvga chetlatiladi.

“Barselona” La Liga musobaqa jadvalida 38 ochko bilan 4-o‘rinda bormoqda.