"Andijon" bosh murabbiyi: Oddiy vaziyatlarda xatoga yo‘l qo‘ydik va...

"Bugun bir-biriga o‘xshamagan ikki xil taymlarni o‘tkazdik. Birinchi bo‘limda oddiy xatolarga yo‘l qo‘ydik va ushbu xatolar darvozamiz ishg‘ol etilishiga olib keldi. Ikkinchi bo‘limda esa o‘yinimiz ancha qovushdi. G‘alabaning asosiy tamal toshi – bu himoyadagi mustahkam va ishonchli o‘yindir.

Safarda o‘ynagimiz bois mezbonlar hujumga ko‘proq o‘tishi tayin edi. Biz esa himoyada xato qilmasligimiz lozim edi. Natijaga men javobgarman, shunday ekan bugungi mag‘lubiyatdagi ayb mening zimmamda", - deb Sakaevning so‘zlarini keltirib o‘tdi PFL rasmiy sayti.