"Andijon" "Metallurg"ning sobiq ustozi boshqarayotgan klubga qarshi maydonga tushadi
“Andijon” jamoasining Antaliya yig‘ini doirasidagi yana bir o‘rtoqlik uchrashuvi bugun Chernogoriyaning “Mornar Bar” klubiga qarshi bo‘lib o‘tadi.
“Andijon”ning mazkur sparring-raqibi Chernogoriya birinchi ligasi (bizning Superligamiz kabi)da qatnashadi. “Mornar Bar” 19 ta turdan keyin 9 g‘alaba, 5 durang va 5 mag‘lubiyat qayd etib, to‘plar nisbati 26\22 ni tashkil qilgan holda 32 ochko bilan 10 ta jamoa orasida 2-o‘rinni egallab turibdi.
“Mornar Bar” klubini o‘zbekistonlik muxlislarga tanish bo‘lgan Vesko Steshevich boshqarmoqda. U 2023\2024 yillgi mavsumlarda Bekobodning “Metallurg” klubiga ustozlik qilgan. 2025 yilning 5 sentabridan “Mornar Bar” jamoasi bosh murabbiyiga aylangan. Ungacha esa Eronnning “Istiqlol” klubida Miodrag Bojovichga assistentlik qilib kelgan.
“Andijon”ning “Mornar Bar” klubiga qarshi uchrashuvi bugun Toshkent vaqti bilan soat 17:00 da boshlanadi.
Bungacha "Mornar Bar" klubi Antaliyada "Surxon" bilan nazorat bahsida maydonga tushdi v 0:1 hisobida mag‘lubiyatga uchradi.