Angliya premer-ligasidagi eng zo‘r uch futbolchi e’lon qilindi

“Manchester Yunayted” afsonasi Roy Kin Angliya premer-ligasining hozirgi paytdagi eng zo‘r uch nafar futbolchisi nomini aytdi.

Mashhur futbolchi “Manchester Siti” to‘purariga aylangan Erling Xoland, “shaharliklar” pleymeykeri Kevin de Bryuyne va “Manchester Yunayted”da ishlari ko‘ngildagidek ketmayotgan  Krishtianu Ronalduni tilga oldi.

- Ajablanarlisi, Erling Xoland Xosep Gvardioladek murabbiy qo‘l ostida, “Manchester Siti”dek kuchli klubda o‘ynab, keyingi bir necha yil davomida nimalarga erishar ekan?

Bundan tashqari, yaqinda klublar miqyosida 700-golini urgan Krishtianu Ronalduning ham mahoratini munosib baholash kerak, - dedi Roy Kin.