APL. 17-turda olingan eng sara suratlar orqali ishlangan fotomaqola!

Angliya premer ligasining 17-turida "Liverpul" o‘z uyida "Uotford" klubini qabul qilib, 2:0 hisobida zafar quchdi. "Chelsi" "Bornmut"ga qarshi bahslashdi va 0:1 hisobida yutqazib qo‘ydi. "Lester" ham kutilmaganda "Norvich" bilan durang o‘ynadi. Shu qatorda, MYu va "Everton" o‘rtasidagi bahs ham 1:1 hisobida yakunlandi. Mourino qo‘l ostidagi "Tottenxem" esa safarda "Vulverxempton" klubini taslim etdi. Turning markaziy bellashuvida "Arsenal" "Manchester Siti"ga yirik, 0:3 hisobida yutqazib qo‘ydi. Yana bir qator qiziqarli uchrashuvlar bo‘lib o‘tdi. Ushbu turdan olingan suratlar orqali fotomaqola tayyorladik.

"Uotford" himoyachisi vaziyatdan qattiq afsusda, ammo kech...

"Barselona" muxlislari Ronalduni, "Real" muxlislari esa Messini hush ko‘rishmaydi. Ammo "Manchester Siti", "Chelsi", "Arsenal", "Tottenxem" va hattoki MYuning muxlislari ham Salohga xavas qilishadi.

Aynan Salohning gollari "Uotford"ning mag‘lubiyatiga sabab bo‘ldi.

O‘tgan mavsumni chempionshipda o‘tkazgan va o‘zaro printsipial raqibga aylanib ulgurgan "Sheffild" va "Aston Villa" jamoalari o‘zaro to‘qnash kelishdi.

Xokkey haqiqiy erkaklar o‘yini, urush-janjallarga ham ruxsat bor deyishadi. MMA, Xokkey, Boks... Baribir futbolning shiddati o‘zgacha ekanligini chinakam muxlislargina tushunadi.

Mavzuga qaytamiz! Shu kuni, Flekning dubli "Sheffild Yunayted"ga muhim g‘alabani taqdim etdi.

Bilasizmi!? Finlyandiyalik Pukki o‘tgan mavsum chempionshipda ko‘plab gollar urdi. Joriy mavsum APLda ham porlamoqda! Hattoki APLda oyning eng yaxshi futbolchisi deb topilgan vaqti ham bo‘ldi.

Tinib-tinchimas Vardi o‘zini ham, darvozabonni ham ayab o‘tirmayapti. Darvoza to‘sinini ham...

Top jamoalardan takliflar bisyor bo‘lishiga qaramay, "Lester"ni tark etishni istamagan Vardining ko‘zlariga e’tibor bering!

Brendan Rojers Klaudio Ranerining natijasini qaytarishi uchun faqatgina "Liverpul" halaqit qilmoqda!

Ushbu turda "Chelsi" "Bornmut"ni qabul qildi.

Londonliklar qancha urinishmasin, darvozani ishg‘ol eta olishmadi.

Uchrashuvning 84-daqiqasida esa, alamli golni o‘tkazib yuborishdi. Ha, "Sen urmasang, senga urishadi."

Lempard ham chorasiz qoldi...

Yangi Zelandiya terma jamoasi yulduzi Kris Vudni bilasizmi?

Aynan Vud tomonidan kiritilgan yagona gol, "Byornli"ga "Nyukasl" ustidan g‘alaba keltirdi.

Havotirga o‘rin yo‘q! Dubravka soppa-sog‘.

Avvaliga, Pellegrini havotirda edi.

"Sautgempton" futbolchisi tayyorlanib, mo‘ljallab...

Zarbaaaa va ...

Yo‘q! Gol emas.

"Vest Xem" futbolchisi kulib: Shunday zarba ham beradimi?

Yakunda, kichik hisobdagi g‘alaba Pellegrinini quvontirdi.

Ochko...

Bunday ochkoni Son ham ishlay oladi.

Mourino qaysi klubni boshqarmasin, doimo o‘z xarakterini jamoaga yuqtira oladi.

Sonni kim quchoqlab olgan? Javobingizni "koment"da qoldiring! To‘g‘ri javobni oxirida kiritamiz!

APLda bayram boshlanib bo‘ldi.

Kalvert-Lyuin De Xeaning elkasiga qo‘lini qo‘ygan vaziyatda, VAR o‘yin qoidasi buzilmadi, deb topti va golni inobatga oldi.

Vaziyatni yaqinroqdan ko‘rishingiz mumkin. Maykl Oliver boshchiligidagi hakamlar guruhi, VAR orqali ko‘rib ham xato qilishi birinchi marotaba emas.

Kalvert-Lyuinning ushbu zarbasidan so‘ng, to‘p Lindelyofga tegib, darvozaga kirib ketdi va avtogolga aylandi.

Izoh o‘zingizdan...

Qiziqarli kechgan uchrashuv durang bilan yakunlandi.

Turning markaziy uchrashuvida de Bryuyne "avji"ga chiqdi!

So‘nggi vaqtlarda "Arsenal"ni umuman tanib bo‘lmay qoldi.

Genduzi futbol qo‘l bilan o‘ynalmasligini yodidan chiqarib qo‘ygan shekilli...

Bo‘rtirma qilib aytganda, shu kuni de Bryuyne "Arsenal" futbolchilarini "emaklatib" tashladi.

Bellashuv davomida Gvardiola ortiqcha qiynalib o‘tirmadi va juda hotirjamlikka berildi.

Qiziq, bular bir-biriga teskari turib olib, o‘zi nima qilishyapti?

"Super" surat...

Top jamoalar orzu qilayotgan forvard, APLning eng kuchli hujumchilaridan biri Uilfred Zaa.

Aynan ushbu yulduzning goli "Kristal Pelas"ni mag‘lubiyatdan qutqarib qoldi.