APL bir qarorga keldi

Angliya Premer-ligasi chempionat uchrashuvlari davom ettirilishi uchun bir qator qoidalarni joriy etdi.

Angliya Premer-ligasi direktori Richard Garlik tomonidan tuzilgan hujjatga ko‘ra, mavsum boshlanishidan oldin klublar mashg‘ulotlarda quyidagi shartlarni bajarishlari kerak bo‘ladi:

- futbol anjomlaridan tortib darvoza ustunlarigacha bo‘lgan barcha jihozlar foydalanishdan oldin va keyin zararsizlantirilishi kerak;

- futbolchilarga niqob kiyish tavsiya etiladi;

- futbolchilarga avtoulovlarni bir-biridan uchta to‘xtash joyi oralig‘ida qoldirish tavsiya etiladi;

- O‘yinchilar va xodimlarning mashg‘ulotlarga tupurishiga yo‘l qo‘yilmaydi;

- O‘yinchilarga tayyorgarlik ko‘rish uchun 15 daqiqa, 5 kishidan iborat guruhda mashq qilish uchun 75 daqiqa va tiklanish uchun 15 daqiqa vaqt beriladi.

Mashg‘ulotlarni boshlashdan 48 soat oldin futbolchilar va klub xodimlaridan koronavirus testini o‘tkazish talab qilinadi.